Skráarsafn, tiltekt (Heimasíða)

Það er um að gera að halda góðu skipulagi skráarsafns heimasíðunnar frá byrjun til að auðvelda vinnu við vefinn. Til að svo megi vera er efni, skrár og myndir, flokkaðar í möppur.  Til að búa til möppu er smellt á NÝ MAPPA hnappinn og henni gefið nafn.

Möppurnar eru í listanum vinstra megin.  Skrárnar í valinni möppu eru í listanum hægra megin..

Þegar síðan á að setja nýtt efni á vefinn er það sótt á skráarsafn tölvunnar.  Fyrst er valin mappan sem á að geyma skrána og síðan er smellt á SÆKJA SKRÁ (hér SENDA) hnapp, skráin valin og smella á OPEN hnapp.  Þá birtist skráin í gráa rammanum, sbr. myndin hér fyrir neðan og síðan í skráalistanum og er þá komin á sinn stað.

Þegar síðan á að birta skjalið/myndina á vefsíðu er smellt á viðeigandi skrá og smellt á NOTA VALIÐ hnapp.

Ef diskettan birtist við hliðina á tannhjólinu þarf að smella á hana til að vista breytinguna.